المشـــــــهد الثآنى ،
دخلت حنين لمكتب التوجيه وفى عقلها سؤال واحـــد - ماذا تفعل فى ما ذكره مدير المدرسة عن محضر والعهدة واستلامها - ، وبالفعل بمجـــرد تسليم اقرار العمل وجهت السؤال للموجه الأول .
وقال لها:- جل ما داخل مكتبة مدرستكِ فأنتِ أمينة عليه ولذلك فهــو عُهدتكــِ أمامنا بعد المولى سبحانه وتعالى ، فى البداية تقوم لجنة يُشكلها مدير المدرسة لعمل جرد شامل لكل محتويات المكتبة ؛ وتوقعين على استلام عهدة واقعية فلا تمضــى على محتويات ذُكرت لكِ ،بل امضى على ما هو أمام عينيكِ
حنين :- ازاى حضرتك أعمل جرد لمحتويات المكتبة !
الموجه الأول :- عندك بالمكتبة سجل اليومية مُسجل فيه كافة الكتب بالمكتبة ، وكمان عندك سجل المطبوعات الدورية وفيه مُسجل المجلات المتواجدة بالمكتبة ، وسجل الوسائل السمعية والبصرية مسجل فيه الأجهزة المُتواجــدة وكذلك الخرائط وشرائط الكاسيت والمجسمات واللوح والاسطوانات ؛ فكله مُسجل ومُدون فى سجلات المكتبة ، وبعد الجرد والحصر الواقعى للمحتويات يتم عمل محضر استلام عهدة وتمضى عليه ، ومن تاريخ امضاءك على المحضر فأنتِ مسئولة على كل المحتويات مسئولية كاملة
حنين :- بأمر الله تعالى ,,, طيب حضرتك فى صيغة محددة لمحضر الاستلام ؟!
الموجه الأول :- مش تقلقى ولا تتوترى الموجه المُشرف عليكِ هيكون عندك قريب فى المدرسة علشان يفهمك ويديكِ نسخ من محاضر الجرد واستلام العهدة ومحاضر تانية ممكن تحتاجلها .
حنين :- وانا اسفة انا حاسسة انى تايه شويتين فبستأذن حضرتك وبعتذر على كمية التساؤلات اللى ممكن اسألها لحضرتك لحد ما أفهم .
الموجه الأول :- لأ طبعا لازم تسألى علشان تفهمى وتشوفى خطواتك ِ ، وانا تحت أمرك وكمان الأستاذ أحمد بيكون موجود فى الإدارة يوم الاربعاء ودا الموجه اللى هيشرف عليكِ هتقابليه وتسأليه وفى اى وقت اسألى .
وأخذ ورقة بيضاء من على مكتبه وكتبه رقم هاتف وأخبر حنين بأنه رقمه إن احتاجت لشىء او أرادت الاستفسار عن شــىء
حنين : - ألف شكر وجزاك الله ألف خير إن شاء الله هابدأ غدا
خرجت من الإدارة وفى عقلها دوامة من الأسئلة التى لا إجابة لها
مستفسرة عما سيحدث غداً ، فـ غدا أول أيامها بالعمل !!
