الجمعة، ديسمبر 13، 2013

استلام العمل .. (المشهد الأول)






المشـــــــهد الأول

دخلت حنين المدرسة متوجهة لمكتب المدير الذى علمته من مُشـــرف البوابة

حنين :- السلآم عليكم ورحمة الله وبركاته

المدير:- وعليكم السلآم ورحمة الله وبركاته ... اتفضلى مين حضرتكـ؟!

حنين:- أنا حنين خريجة مكتبات ومعلومات ومعايا جواب من الإدارة بشغل وظيفة أخصائى مكتبة هنا بالمدرسة

المدير:- أهلاً وسهلاً .... فعلاً احنا محتاجين أخصائى مكتبة لأن الأخصائية اللى هنا فى أجازة وضـــع وصعب نبدأ العام الجديد بأمر الله بدون مكتبة ، فين جوآبك ؟!

حنين:- اتفضل حضرتكـ ..

المدير :- تمام كدا يا أستاذة انا أشرت على الجواب ،حضرتك هتطلعِ لمكتب شئون العاملين يعملوا ليكِ اللازم وتستلمى نسختين من إقرار العمل وتسلميها الإدارة وغـــــداً تكونى موجود فى موآعيد العمل الرسمية

حنين:- إن شاء الله تعالى .... بس حضرتك أنا اول مرة اشتغل بعد تخرجى ومش عارف المفروض يحصل ايه !

المدير:- مفيش مشكلة يا أستاذة متستعجليش على رزقك ، هيكون معاكِ الموجـــه خطوة بخطـــوة .... وأول خطـــوة إنك دلوقت تطلعِ شئون العاملين وتيجى علشان الخطوة التانية

حنين :- حاضر يافندم

وتحــــركت حنين دآخل المدرسة متوجهة لمكتب شئون العاملين ،ومضت إقرار العمل وأخذت النسخ التى ستسلم إلى التوجيه بالإدارة ،ونزلت الى مكتب المدير لإنهاء الأوراق

المدير :- اتفضلى كدا يا أستاذة...... هتسلمى الأوراق دى للتوجيه فى الإدارة التعليمية وهيكون هناك الموجه الأول استاذ سيد صبيح ، وإن شاء الله بُكـــرة هتستلمى المكتبة وتمضى على الإستلام

حنين:- امضـــى على ايه حضرتكــ

المدير:- على العهـــدة عدد كتب وكمبيوتر وكاسيت وفيديو وتليفزيون وشرائط ووسائط كله هتمضى على استلامه فى محضـــر



حنين:- (فى حالة اندهاش )   محضر ايه؟!

المدير :- بكـــرة هتفهمى كل حآجة

حنين :- إن شاء الله

(وتقول فى بالها انا مش فاهمة هو فى ايه..!)

وتحـــــــركت متوجهة للتوجيه بالإدارة التعليمية.

0 التعليقات:

إرسال تعليق

مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ

Twitter Delicious Facebook Digg Stumbleupon Favorites More