الجمعة، مايو 09، 2014

خصام وجدال

 المشـــــــــــــــهد الثالث عشــر 





مرت ايام لم يدور فيها أى حوار بينهم وكأنهم فى خصام وكأن الأستاذة عبير تعاقب حنين على فتح فاهها وفتح باب للحوار مع المتابع وفى نهاية الأسبوع قطعت الصمت الرهيب وقالت لــ حنين :- حنين .. بلغتى أخصائى الصحافة باللى قال عليه المتابع ،، وبدأتى تحضرى الفقرات ولا هتعمليها كل يوم .

حنين :- فقرات ايه ! انا قلت للمتابع ان مش هينفع وهو معترضش والمدير كمان مقلش حاجة 


أ/ عبير :- آه فكرتينى ..... لما يجى متابع ويقول على حاجة ،، تردى تقولى حاضر هننفذ وبس ..... لا تناقشى ولا تردى بأكتر من الكلمتين دول ، ويالا جهزى الفقرات علشان هاروح لأخصائى الصحافة أستأذنه ولا هتروحى انتى ؟

حنين :- ليه مردش عليه ولا اتناقش ؟! انا مش هعمل اللى هو قال عليه حضرتك
     :- يعنى ايه مش هتعملى فهمينى بقا ، دا شغل يا استاذة ولو مش عاجبك اقعدى فى بتكم

:- ممكن أسأل حضرتك سؤال ؟


:- قولى

:- اللى المتابع قال عليه دا ، صح 


:- لا ، بس قال عليه فيتنفذ

:- مدام مش صح ، يبقى مش هنفذ ،  مش هعرف اعمل حاجة مش مؤمنة بيها ، مش هاتدخل فى شغل حد حضرتك 


:- خلاص انتى اعمل فقراتك وانا اعمل الفقرة دى .

:- مش هينفع حضرتك 

:- انتى بتعترضى على اساس ايه ؟ انتى تنفذى اللى يتقال ليكى عليه وبس 


وهنا دخل مدير المدرسة على صوتها العالى ، فى ايه مين اللى مش عايزيشتغل ومعترض فهمونى ، وصوتك عالى ليه يا أستاذة ، فى فصول شغالة جمبك 

أ/ عبير :- دى الاستاذة حنين ، مش عاجبها الشغل ومش عايزة تشتغل 

حنين :- لا حول ولا قوة الا بالله العلى العظيم 

:- بتقولى ايه؟! 

:- بذكر الله حضرتك 

المدير :- فى ايه ياحنين ؟!

حنين :- حضرتك كنت قاعد وقت المتابع جه من كام يوم وانا ناقشته فى فقرة الاذاعة وحضرتك سمعت اللى دار ، انا غلطت فى حاجة ؟!

المدير :- مين اللى قال كدا ؟! 

أ/ عبير :- ايوة غلطت بتتكلم مع المتابع ليه وتتناقش معاه 

:- المتابع كان متفاهم وحنين عجبته فى طريقة كلامها وثقافتها 

أ/ عبير :- هو اى حد يقرأ كلمتين يكون مثقف 

:- انا لا مثقفة ولا حاجة يا استاذة ، حضرتك انا هاعمل فقرات الاذاعة زى ما انا مؤمنه بيها غير كدا مش هعمل

المدير :- ومين اللى قال ليكى اعملى غير كدا  


:- انا بقولها تنفذ اللى قال عليه المتابع ، وهى مش راضية .


:- السجل معاها سيبيها تشتغل زى ما هى عايزة مدام فى مصلحة الطلبة 

:- انت كدا بتمشى كلامها على كلامى ، هو مين فينا الكبير هنا انا ولا هى 

:- انا مشيت كلام الصح ، والكبير بيحتوى الصغير ، احتويها واكسبيها ياكبيرة 

وخرج المدير وساد الصمت من جديد يقطعه من حين لآخــر زفير الأستاذة عبير وكأنها تصــرخ فى صمت .



الاثنين، أبريل 28، 2014

الطرق الحديثة في تقييم اداء المكتبات - محاضرة









موعدنا ان شاء الله تعالى يوم السبت 3/مايو/2014
مع ::-
محاضرة بقاعة اليسير للتعليم عن بُـعد بعنوان



الطرق الحديثة في تقييم اداء المكتبات: مؤشرات الأداء بين النظرية والتطبيق=Modern ways for evaluation of library performance: library KPIs between theory and practice




تقديم الأستاذ / عماد أبوعيد
ماجستير مكتبات ومعلومات - مدير مشروع المكتبات العامة - بلدية ابوظبي



وذلك فى تمام الساعه



7.00 مساء بتوقيت الجزائر



8.00 القاهره



9.00 مكة المكرمة 



10.00 الامارات



تفتح القاعة قبل وقت المحاضرة المعلن بإذن الله تعالى بعشر دقائق
رابط المحاضرة






الجمعة، أبريل 25، 2014

معركة صامتة


المشــــــــهد الثانى عشــــــــــر 



الأمــر لم ينتهـى عند حد التراضى النفسى أمام المدير والموجه فكان الصمت خليلهم فــ أ/ عبير لا تتفوه بحرف توجهه لــ حنين البتة فكان الجلوس داخل المكتبة أشبه بالجلوس فى الصحراء وقت الظهيرة ما إن فتح أحد موضوعاً مع الأستاذة عبير بالطبع لا يفتحون موضوعا مع حنين فهى انسانة آتيه لتأخذ مكان صديقتهم وهى من ترفع ضغطها وربما اشتكتها للتوجيه وافتعلت المشاكل الكثيرة ، تيقنت حنين بأن الأمور ستسوء إن بقيت على هذا الحال ولكنها مؤمنة بأنها لم تأذى أحداً ولم تغلط فى أحد ولن تكون تابعة لأحد وتلغى عقلها .

فكان على أحدهم أن يوصل لى طلباتها حتى لا يحدث أصطدام من أى نوع ولذلك كانت الأستاذة تهانى كهمزة الوصل ورسول من الأستاذة عبير لـ حنين ... 
بعض تعليماتها على حنين ان لا تتفوه بكلمة فى وجود أحد المتابعين فأخصائية المكتبة هى الأستاذة عبير وعلى حنين أن تلزم الصمت دائما وربما أبداً 
وافقت حنين فلا ضرر ولا ضرار 

إلا أن جاء أحد المتابعين ورفض أن يتفحص السجلات فقط رمق المكتبة وتنظيمها 

وجلس وقال لــ أ/ عبير :-  سأقول لكى ما وجدته فى بعض مكتبات المدارس علشان تعملوه هنا انا لقيت أفكار حلوة اوى ..

ردت :- طبعا اتفضل قول .

جلس يسرد بعضاً مما رآه هنا وهناك فى بعض مكتبات المدارس التى زارها وهى تقول هنفذه فكرة حلوة اوى .

وحنين تصرخ من داخلها كيف ستنفذ ما قاله لن نستطيع التنفيذ لماذا هى توافق !!
ثم تهدأ وتقول طلبت منى عدم الكلام فلن أـحدث ما يقوله يخص جانبها من العمل كما قسمه لنا الموجه وكانت فى ذات الوقت ممسكة قلم وتدون ما يروقها ويمكن ان تطوره ليناسب المكتبة التى تعمل بها إلا أن تحدث الضيف فى اليوم الإذاعى وسأل أ/ عبير حضرتك بتنفذى اليوم دا إزاى قالت له :- حضرتك احنا واخدين اليوم دا من الصحافة وبنفذ كل فقراته كل اسبوع .

قال :- حضرتك السجل دا معاكى 

ردت :- لا ... دا ... مع .... الأبلة حنين 


قال :- فين الأستاذة حنين ؟! 


أجابت حنين :- مع حضرتك يافندم 

اقل :- تمام هاقولك على فكرة 


ردت :- اتفضل 


قال :- شوفى هتاخدى فقرة المعلومة طول الاسبوع وانتى اللى تعمليها مع أخصائى الصحافة وتسالى سؤالى او اتنين من المعلومات اللى قدمتيها للطلبة طول الاسبوع يعنى انتى يوم الاذاعة بتاعك امتى الخميس ؟


:-  لا يافندم الثلاثاء 

:- غيريه يكون الخميس احسن ، وتكتبى فقرة المعلومة طول الاسبوع وتديها للأخصائى الصحافة وتكون معاكى نسخة منها طبعا وتحددى اسئلة منها تسأليها يوم الخميس وتدى الطلبة جوائز كدا هتخليهم يركزوا مع الاذاعة طول الاسبوع علشان ياخدو الجائزة .


ردت أ/ عبير قالت :- حاضر يافندم هنعمل .

ردت حنين :- لا يافندم مش هينفع 


ردت أ/ عبير : لا هنعمل يافندم 


ردت الضيف :- ياأستاذة خليها نقول وجهة نظرها السجل معاها وهى اللى هتنفذ لازم تكون مؤمنة باللى هتعمله علشان تعمله صح ، اتفضلى يااستاذة قولى رأيك .


ردت حنين :- اسفة والله مش قصدى انى اعترض لكن ، مش من حقى ان اتدخل فى فقرات أخصائى الصحافة كدا انا بتدخل فى شغلهم ، وبفرض عليهم فقرة طول الاسبوع ، يوم الاذاعة المكتبية انا أعمل فيه كل اللى انا عايزاه ومحدش فيهم بيعترض لان دا شغلى مش شغلهم   

قاطعتها أ/ عبير :- هانستأذنهم ومش هيقولوا حاجة .

رد الضيف :- يااستاذة هى اللى هتعمل سيبيها تكمل ، كملى يا استاذة 

ردت حنين :- حضرتك أكثر المعلومات اللى بتقدمها الصحافة معلومات منهجية ، لو حصل اللى حضرتك بتقولوا يبقى انا معملتش جديد ومنفذتش أهداف المكتبة أهم أهداف المكتبة بشكل عام التثقيف ، وعلشان كدا فى فقرة هاتبدأ الاسبوع الجاى ان شاء الله
بعنان " المسابقة الثقافية الاسبوعية "  ودى هتكون عبارة عن اسئلة ثقافية بعيدا عن مناهج الطلبة هما هيبحثوا عن الاجابات داخل المكتبة ويكتبوها فى ورقة ويحطوها داخا الصندوق أهو  حضرتك صندوق زى ما حضرتك شايف مكتوب عليه "جماعة أصدقاء المكتبة " 
دى طالبة منفذاه كنشاط ، هاقوم بمراجعة الاجابات واطلع الطلبة اللى أجابت صح وانادى اسمها الاسبوع اللى بعده واديها جائزة وبكدا أشد الطلبة للمكتبة وللثقافة والمعلومات الثقافية المختلفة لانهم لما يدورا على المعلومة عمرهم ما هينسوها .

وقف الضيف وهما بالرحيل فقال له المدير :- رايح فين يافندم كمل وقول لهم على أفكار تانى 

رد الضيف :- أقول ايه بس ، دا انت ربنا رزقك بأخصائية مكتبة مثقفة واعية فاهمة حدود شغلها وإمكانيتها وكان عايزة تشتغل وبتاخد الافكار اللى تفيد شغلها وتنفع والباقى لأ ربنا يبارك لك فيها يااارب ،
والتفت الى حنين .... ربنا يحميكى يابنتى 
وخرجا معاً 

:- ربنا يخليك يافندم .

تسرب الى حنين شعور بالسعادة وقالت فى نفسها الحمد لله والتفتت لتجلس عيونها تقابلت مع عيون الأستاذة عبير شعرت أنها ربما تريد قتلها او دفنها حية ولكن حنين تجاهلتها وجلست لتكمل ما كانت تكتبه .

-*-*-*-*-*

الثلاثاء، أبريل 01، 2014

المؤتمر القومي الأول للمكتبات المدرسية و مراكز مصادر التعلم

 بالتعاون مع وزارة التربية والتعليم والإدارة العامة للمكتبات
ينظمان

المؤتمر القومي الأول وللمكتبات المدرسية و مراكز مصادر التعلم
من 15- 16 ابريل 2014

تحت عنوان     " إدارة وتنظيم المكتبات المدرسية ومراكز مصادر التعلم "
تحت شعار     " العلم يبدأ من المكتبة المدرسية "

تحت رعاية  أ . د / وزير التربية والتعليم  و الادارة العامة للمكتبات


رئيس المؤتمر  أ.د. شعبان عبد العزيز خليفة


محاور المؤتمر

المحور الأول :
الإدارة والتنظيم فى المكتبات المدرسية ومراكز مصادر التعلم .


المحور الثاني : 
المجموعات وإدارة المقتنيات فى المكتبات المدرسية ومراكز مصادر التعلم.


المحور الثالث :
الإعداد الفنى فى المكتبات المدرسية ومراكز مصادر التعلم..


المحور الرابع : 
الخدمات فى المكتبات المدرسية ومراكز مصادر التعلم


المحور الخامس :
المستفيدون من المكتبات المدرسية ومراكز مصادر التعلم .

فعاليات المؤتمر:-

  • بحوث وتقارير ودراسات حالة في أي من المحاور سابقة الذكر .
  • عروض للنظم الآلية والبرامج والشركات والمؤسسات العاملة في مجال تكنولوجيا المعلومات
  • موائد مستديرة وورش عمل .
  • تكريم الرواد الذين قدموا خدمات جليلة للمهنة من داخل التخصص وخارجه .
  • معرض للكتب والدوريات وغيرها من مصادر المعلومات السمعية والبصرية وملفات البيانات الآلية وأقراص الليزر .
  • معرض الأجهزة والمعدات الخاصة بتكنولوجيا المعلومات والمكتبات .
  • معرض التجهيزات والأثاثات التي تستخدم في المكتبات ومراكز المعلومات وغيرها من المؤسسات


السبت، مارس 29، 2014

وانتهى الأمر تقريبا حتى الآن



المشــــــــــــهد الحادى عشـــــر 




رفض الموجه طلب حنين وكذلك المدير فما من سبب يستدعى تقديم استقالة قائلاً لها :-

دى مشكلة تافهة يا أستاذة إنتِ لسة هتشوفى كتير فى الشغل ، مش كل ما هتحصل حاجة هتقولى هاسيب الشغل وتهربى لازم تواجهى وتثبتى نفسك بغض النظر عن أى حاجة حواليكى .

حنين :- حضرتك أنا جاية أحقق طموح وأحلام وأشتغل حاجة كان نفسى أبدع فيها مش جاية ساحة معركة 

يضحك المدير والموجه يقول :- دا إنتِ لسة خام وعايشة فى الأحلام الوردية ، الواقع ياأستاذة مختلف تماماً ، إنتِ فى مجال العمل بتقابلى ناس كتيرة ونفوس أكتر ولازم تتعلمى تتعاملى مع الجميع بدون ما تتأثر حالتك النفسية وبدون ما تتأثرى بشكل سلبى بتصرفاتهم 

حنين :- أتعلم من أول جديد ، أعتقد حضرتك إن تعلم النفس البشرية مش موجود فى الكتب ولا بتتدرس فى الجامعات ، فإزاى هتعلمها 

المدير :- من تجاربك فى التعامل معاهم مع الوقت هتتعملى المهم إنك تصبرى وتصابرى وتكسبى الخبرة بدون أى مجهود منك .


حنين :- يعنى المطلوب منى حالياً ، إنى انسى عن اللى حصل فى حقى ؟!!

المدير:- ومين اللى قال كدا ، بس .

حنين
:- أمال المفروض أروح اعتذر للأستاذة عبير ؟!!

الموجه :- لا ى حنين ، انا هاعمل هاقسم الشغل بينكم  ، بس لازم النفوس تتراضى لإنكم هتشتغلوا فى مكان واحد .

وخرج المدير لينادى الأستاذة عبير ، دخلت ولم تتفوه بكلمة فكل ما طُلب منها نفذته ولم تشعر حنين بإرتياح لنظراتها :(

إنتهى الأمر تقريباً حتى الآن ~

الجمعة، مارس 28، 2014

الرسائل الجامعية فى الآثار المصرية القديمة حتى نهاية 2010 - أطروحة دكتوراه




قسم المكتبات و المعلومات بــــ كلية الآداب بــــ جامعة بنها
يناقش قسم المكتبات و المعلومات بــــ كلية الآداب بــــ جامعة بنها


 رسالة الدكتوراه



المُقدمة من الباحث / محمد إبراهيم الهلالي


بعنوان

" الرسائل الجامعية فى الآثار المصرية القديمة حتى نهاية 2010 : دراسة في الضبط الببليوجرافي والنشر والإفادة من المحتوى "

لجنة المناقشة


أ.د. شعبان عبدالعزيز خليفة أستاذ المكتبات والمعلومات بجامعة القاهرة مشرفاً ورئيساً
أ.د. سناء عبدالعظيم العادلي أستاذ الآثار المصرية بجامعة بنها مشرفاً مشاركاً
أ.د. حامد الشافعي دياب أستاذ المكتبات والمعلومات بجامعة القاهرة عضواً
أ.د. أسامة حامد علي أستاذ المكتبات والمعلومات المساعد بجامعة بنها عضواً



و ذلك يوم الأثنين الموافق 31/3/2014 الساعة العاشرة صباحاً

الأربعاء، مارس 26، 2014

أساليب إسترجاع الصور الرقمية ...- محاضرة







الثلاثاء، مارس 25، 2014

مهارات الوعي المعلوماتي لأمناء المكتبات وأخصائي المعلومات _ محاضرة - فيديو




لمشاهــدة تسجيل المحاضرة على اليوتيوب من هنا


https://www.youtube.com/watch?v=T1tbov-u8D8

الجمعة، مارس 14، 2014

العزم على ترك العمل



المشـــــــهد العاشــــــــــر




        لم يُكن بمقدور حنين أن تستوعب ما يحدث فأشباه البشـــر حولها يتحركون هنا وهناك ، لم تدرك أقوالهم فهى ترى تحركاتهم فقط ، وتشعر باقتراب الشمس من وجهها الذى كاد أن يحترق .
لماذا يقتربون منها ومنى ولماذا البعض يقولون لى اهدى والبعض يقول لها استحملى ؟ ماذا فعلت أنا ليحدث ما حدث لى ؟ ما الذنب الذى اقترفته ؟ مَن قتيلى ؟ وكيف قتلت ؟ ليتم القصاص منى بتلك الطريقة ؟!

تتصارع التساؤلات بعقلها دون إجابة ، قد شارفت حنين على الجنون .
أخذوا الأستاذة / عبير حتى تهدأ خارج المكتبة ، وأتى لحنين أحد الأساتذة يعتذر عما حدث لها دون عمد من أ/ عبير ، مُعللاَ تصرفها بأنها رغم كل شــىء طيبة وقلبها أبيض ، ولكن كيف لحنين أن تسمع تلك الكلمات ، فهى لم تكن هنا بل رحلت هناك الى عالم ما داخل عقلها تُحاسب نفسها وتُعاقبها ولكن على ماذا ؟!

فكان الذنب الوحيد انها حاولت أن تعمل بجهد ، حاولت أن تجتهد ، حاولت أن تتنفس فكر ، فقط حاولت .
كانت شلالات المطر التى أغرقت وجهها وعيونها سببا فى دفع البعض للإشفاق عليها ، ولكنها لم تترك حالها هكذا كثيراً ، حملت شنطة يدها وخرجت من المدرسة دون إذن ، فقد هربت من المكان وفى بضع دقائق كانت داخل غرفتها رافضة الكلام مع والدتها فقط ارادت أن تغرق داخل جزيرتها القطنية (السرير) ، أرادت أن تختفى عن كل البشر عن نفسها أيضاً ، عن جزء داخلها كان رافضاً للعمل فى مكتبة مدرسة ، هربت من الجميع الى النوم الذى هرب منها هو أيضاً وظلت تترجاه فى ظلمة الليل دون جدوى ،

 وأشرقت شمس يوم جديد أشرقت متأخرة عن موعدها آلآف السنين ، وخرجت حنين فى موعدها للمدرسة عازمة على الانتهاء من تلك المهزلة ،نادى عليها المدير ودعاها الى مكتبه ، لتلقى التحية على الموجه ويكون شاهد على عتابه لها  لخروجها دون إذن منه أمس ، وسألتها الموجه عن السبب فأجابت :- 
أسفة انى عملت كدا ؟

المدير:- وتفتكرى الأسف هيمنعنى من انى متصرفش معاكى قانونى ؟

حنين :- حضرتك مفيش داعى النهاردة بأمر الله آخر يوم ليا فى الشغل  ، عن اذنكم 

الموجه :- استنى ، يعنى ايه آخر يوم ليكى فى الشغل ؟! 

حنين :- يعنى حضرتك انا جيت النهاردة علشان اسأل ازاى اقدم استقالتى ، وكفاية لحد كدا 


الموجه :- ليه هو لعب عيال ولا ايه ؟ انتى بقالك اد ايه علشان تقولى كدا ، وبعدين انتى كنتى متحمسة أخر مرة ايه حصل ؟

حنين :- الحمد لله ، محصلش حاجة غير اللى قلته لحضرتك ، أنا اسفة 


الموجه :- انتِ ....

المدير :- استنى حضرتك ، انا هاقولك اللى حصل واللى كمان مخلنيش اتصرف قانونى معاها امبارح ، روحى انتِ يا حنين .

حنين :- عن اذنكم .

ودار حوار مطول بين الموجه والمدير أثمر على مناداة الأستاذة عبير التى دخلت وهى ترمقنى بنظرة غضب وتوعد ، وخرجت وهى تنفث بحمم بركانية وتقول :-
جريتى على الموجه على طول يا كتكوتة . ماشى . 

تكلمت تهانى :- بس بقا ياعبير متكبريش الموضوع الموجه جاى زيارة رسمية هو فاضى ليكم 

عبير :- استكتى انتِ انا فهماها كويس دى ميا من تحت تبن ، تغرقك ، انتِ مخمومة فيها 

لم تنتبه حنين لكلامهم ، فهى عازمة على الرحيل من ذلك المكان ، أو بمعنى أدق الهروب  




الجمعة، فبراير 28، 2014

تصادم .. (1)



المشـــــهد التاسع 



وبقلم وورقــة خططت حنين خطة للعام الدراسى قريبة من الخطة اللى كانت بتفحصهاآ وكانت بتجهزهآ علشان تعرضها على الموجه وبدأت تتفاءل نوعاً ما بشغلهآ كأخصائى مكتبات ، وجدته كبصيص أمل لتحقيق طموح وحلم كان بيحتضر فى وقت من الأوقات 
وحددت خطة عملها طول العام الدراسى من ندوات ومحاضرات ومناظرات وراقت لها فكرة وجود يوم إذاعى خاص بالمكتبة وبدأت فى كتابة مقدمة خاصة لليوم دا تكون كل كلمة فيه تدل على انه يوم الإذاعة المكتبى .

   بعد عدة أيام رجعت الأستاذة عبير من أجازة الوضع وتعرفت على حنين وتبادلا التعارف والأحاديث المختلفة وذكرت لها حنين بأنها لم تدرس بالكلية سوى الأعمال الفنية أجابتها أ/ عبير :- مع الوقت هتتعملى الموضوع سهل اوى متقلقيش 

حنين :- اها انا اخت معايا سجل الخطة من كام يوم وشفته وعرفت الامور ماشية ازاى وعملت خطة كدا ياريت تبقى تشوفيها علشان تقوليلى كويسة ولا محتاجة تعديلات 

أ/ عبير :- هى فين ؟

حنين :- هاجيبها لحضرتك بكره ان شاء الله 

         ولكن أ/ عبير لم تخبر حنين بأنها قد قامت بعمل أجازة اعتيادية من أول يوم الغد ولمدة 15 يوماً ، وانتظرتها 3 أيام ولم تأتى فذهبت لتسأل الأستاذة / تهانى بما أنها أقرب صديقة لها عن سبب غيابها فأخبرتها بانها فى أجازة اعتيادية واستغرب الموجودين بعدم علمها وأحست حنين بإحساس الإهمال والإهانة وأكثر،فــ هى لم تدرك وصفاً لما أحسته حينها .

    اقترب موعد بدء الدراســة ولابد من اعادة تنظيم وتجهيز المكتبة فشرحت فى يوم الخميس فى تنظيفها وأبدلت شيئاً طفيفاً فى طريقة ترتيب الأساس أعطى اتساعاً ملحوظة داخل المكتبة ومع بعض البخــور ضاعت رآئحة الأتربة وأعادت تنظيم الكتب فى كل فرع من الفروع فــ ظهرت لألأت الكتب وعبيرها .

أول يوم بالدراســة أتت أ/ عبير وبعد طابور الصبآح طلعا معاً لفتح المكتبة فهى بالدور الثانى كما هى ولكن تغيرت بالداخل وبدا على ملآمح الأستاذة عبير عدم الارتياح ولا تعرف حنين السبب فسالتها 
:- إيه رأيك حضرتك مش كدا تحسى انها واسعة اكتر 

أ/ عبير :- أه   ( نطقتها وكأنها مُرغمة على قولهآ) 

تجاهلت حنين ذلكـ وقالت فى نفسها ربما يكون هناك سبباً ما يزعجها وليس من شأنى أن أستفسر ربما شيئا شخصياً ، ونالت حنين فى صباح هذا اليوم إطراً سخياً من بعض المترددين على المكتبة من أعضاء هيئة التدريس والدائمى التواجد على حسب ما فهمته مما يدور فشرعت حنين فى إخراج الاوراق الخاصة بخطتها تعرضها على أ / عبير 
فلم تعيرها اهتماماً يذكر فسألتها حنين :- حضرتك مشفتهاش ليه هى فيها حاجة غلط انا عملاها بنفس التنظيم اللى فى سجل الخطة انا مغيرة المواضيع الثقافية فقط 

أ/ عبير :- وتغيريها ليه ، حد قالك انى هاغيرها ؟

حنين :- محدش قال لى بس دى مواضيع اتعملت والمفروض زى ما قال الموجه التغيير المفيد .

أ/ عبير:- الموجه على عينى وراسى لكن انا مبغيرش الخطة ومش هتتغير 


حنين :- ليه بس المواضيع اللى انا مختراها مش صعبه ومناسبة لطلبة المدرسة والسن كمان انا تعبت على ما جبت مواضيع مناسبة وبدون ما يكون فيها اى رتوش 

أ/ عبير :- رتوش ! والله محدش قالك تتعبى فى انك تعملى خطة ولا حتى تتعبى فى انك تغيرى نظام مكتبتى لانى هارجعه تانى بكره الصبح 

حنين :- مكتبتك !

أ/ عبير :- اه عندك اعتراض ولا انت مش واخدة بالك انك جاية هنا مساعدة ليا ومش علشان تقلبيلى المكتبة وتمشى الشغل على هواكى لو فى بالك كدا تبقى تفوقى يا امورة مفيش حاجة هنا هتم الا بإذن منى ولو مش عاجبك روحى مكان تانى حرقتى دمى على الصبح إلاهى يحرق دمك ياشيخة .

      فى أقل من دقيقة كانت المكتبة ممتلئة بمدير المدرسة والعاملين بها وبعض الطلبة نتيجة لـصوت الأستاذة عبير المرتفع وكأن هناك من يغتصب حقها أو يحتل أرضها ، وحنين غير مستوعبة ما قيل لها فهى لم تستوعب بعضه الذى كان سِباباً ولم تشعر بشىء البتة سوى أن الجو بدا حاراً أكثر مما ينبغى والرؤية أصبحت مشوشة وكأن السماء تمطر داخل جدران المكتبة .

اقتربت منها إحدى المعلمات تردد اهدى يا حنين حصل خير ، وحنين تسأل نفسها لماذا أهدى انا لم اتفوه بكلمة ؟! فلسانى مُلجم لا أستطيع حتى فتح فمى !!



السبت، فبراير 22، 2014

سجلات مكتبات مدارس إدارة طوخ التعليمية


دا كتاب بعنوان
" الدليل العملى لأخصائى المكتبة فى الأنشطة الإدارية والثقافية وإعداد السجلات "
قام بإعداده أستاذى
أ/ محمد السيد عبد الحميد صالح
موجه مكتبات بإدارة طوخ بالقليوبية


http://www.4shared.com/office/4P4YICkr/____.html
أو

http://www.4shared.com/office/SGkYKwQX/____.html


أو 

  من هنـــــــــا  

الجمعة، فبراير 21، 2014

سجل الخطة والبرنامج الزمنى ...

المشــهد الثـامــــن



وهى غارقة فى تساؤلاتها وجدت صوتاً يجذبها الى واقع يحيط بها 

الصـــوت :- ايه ياحنين رحتِ فين اللى واخد عقلك؟

حنين :- مفيش والله حاجة دا انا بفكر فى الشغل اللى لسه معرفوش وكدا

الصـــوت :- ههههههههههههه بجد مفيش ....

وبدأت تنهمر عليها مجموعة من الأسئلة الشخصية عن حياتها وحياة أسرتها ، ردت على بعضها وحاولت التملص من البعض فما دخلهم فى حياتها وأسرتها واخبارهم وأمورهم الخصوصية ، وأنقذها رنين هاتفها الخلوى فستأذنت وهربت بعيداً عنهم الى أن جاء موعد المغادرة .


قبل النوم بساعة قامت حنين بفتح ســـجل الخـــطة هذا وبدأت فى قراءته بشكل عشــوائى لتتعرف عليه أكثر وفى يدها قلماً يسجل ما يقف أمام عقلها او يستنكره
فكل ما سيتم خلال العام الدراســى داخل المكتبة مدون به من أنشطة ثقافية وأعمال إدارية وأعمال فنية من اول يوم بالعام الدراسى إلى أخر يوم بالأجازة الصيفية 

خطة عمل دراسية كاملة وجدته مُقســمـ إلى 3 أقســـآم
  • القســم الأول :- الخطة
  • القســم الثآنى :- البرنامج الزمنى
  • القســم الثالث :- ماتم تنفيذه







 

بــ القسم الأول 
وجدته يتناول كافة الأعمال بشكل عام 
خلال العام الدراســى والأجازة الصيفية ، 
 كما بالصــورة




وبـــ القسم الثانى الخطة بشكل مُفصل وموزعــة على شهور العام الدراســـى ، 


وبــ القسـم الثالث ما تم تنفيذه من الخطة فى يومه وتاريخه وكذلك ما لم يتم تنفيذه والأسباب أو المعوقات التى حالت دون التنفيذ وما الحلول التى اتخذها الأخصائى




رآق لها الســجل فهو يتحدث عن كافة الأعمال التى تقوم بها داخل المكتبة وهو الأساس لعملها ككل ووصفته بأنه كــ المواد التى يحتاجها الشخص ليبنى بيتاً .

وقررت أن تستغله لتبنى عقولاً تفكر بأمر الله تعالى
بعد ان تفحصه فحصاً شاملاً وتفهم كل ما جاء فيه





الأربعاء، فبراير 19، 2014

مهارات الوعي المعلوماتي لأمناء المكتبات وأخصائي المعلومات - محاضرة


تفتح القاعة قبل وقت المحاضرة المعلن بإذن الله تعالى بعشر دقائق
رابط المحاضرة

http://www.anymeeting.com/ganbah1

* نرحب بأى مقترح من شأنه تطوير العمل بما يعود بالنفع على المهتمين والمتابعين
* نرحب بأى مبادرة تطوعية لمن يريد تقديم محاضرات بالقاعه تخص مجال المكتبات والمعلومات والأرشيف وما يرتبط بذلك ان شاء الله بالتنسيق المسبق ؛ 

وذلك مع الأستاذ / مصطفى جنبه

* نسعد بتشريفكم الكريم ان شاء الله تعالى

الثلاثاء، فبراير 11، 2014

أساسيات البحث العلمى - محاضرة

-------------------
لماذا نحتاج للبحث العلمي في حياتنا؟
كيف يمكنك إقامة بحث بطريقة علمية صحيحة خطوة بخطوة و هدم العوائق و الصعوبات التي ستواجهك؟
ما هي أخلاقيات البحث العلمي؟
كيف تنشر و تكتب الأوراق العلمية؟
ما هي تحديات الدراسة في الخارج و كيف يمكن التأقلم على الحياة في بيئة و ثقافة جديدة و مختلفة؟

كل هذه الأسئلة ستجد إجاباتها و أكثر من خلال سلسلة رائعة عن البحث العلمي مُقدمة من عدة علماء و باحثين ذوي خبرة في مجال البحث العلمي في أرقى الجامعات و الشركات العالمية .
















بداية اتفرج على الفيديو دا هتفهم كتير من غير كلام كتير
اضغط هنا ... لمشاهدة الفيديو


تفاصيل أكتر فى التدوينة القادمة بإذن الله
********************
الموضوع مهم جدا
قم بمشاركته مع أصدقائك



الجمعة، فبراير 07، 2014

صراع العقل والواقع ...2



المشــهد الســـابع


حنين أصبحت حآلتها النفسية على صفيح ســآخن ويدور ذاك السؤال فى مخيلتهاآ 
ماذا كنت أفعل هناك خلف باب مكتبة المدرسة ؟!
 أيكون عملى كأخصائى مكتبات مضافاً إليه أعمال التنظيف ؟
كيف سأحقق طموحاتى وأحلآمى ؟ فملابس تكسوها الأتربة أم بمكان تتدنى فيه الأفكار ؟

صارعت كثيراً وقررت أنها لابد وأن تصمد وتكمل مشوارها أيا كآن فلم يكن هناك مكان للندم بعد وطردت شيطان نفسها  ودعت المولى أن ييسر أمورها ويقدم لها الخير الذى كتبه لهآ .

 أشرقت شمس يوم جديد وأعلنت عن يوم جديد بمكتبة المدرسة وذهبت حنين وهى على يقين بأن المولى سبحانه وتعالى سييسر لها امورها ووضعت فى حسبانها أنها ربما تكتشف أمراً أخر أو عملاً مضافاً لها كأخصائى مكتبة حتى لا تنصدم مجدداً فلن تستحمل نفسيتهآ ما يدور حينهآ .

دخلت المكتبة وبدأت فى معرفة كم الأوراق الموجودة والسجلات والملفات والوريقات التى تملأ أدراج "الشانون " وبدأت فى تصفحهم كلِ على حدى وجدت مجموعة السجلات الخاصة بالعام الذى مضــى وكانت كالأتى :- 

1- سجل لجنة المكتبة .
2- سجل أصدقاء المكتبة.
3- سجل المحاضرات.
4- سجل الندوات.
5- سجل المسابقات.
6- سجل المعارض.
7- سجل الإذاعة.
8- سجل الميزانية.
9- سجل المناظرات.
10-سجل التربية المكتبية.
11- سجل التوعية البيئية.
12- سجل الخطة العمل.


 ايه كل السجلات دى ؟! انا مدرستش كدا فى الجامعة ؟ فين التصنيف والفهرسة والتكشيف والتقييم و .... و.... و..... فين اللى انا درسته ؟! :(

وسيطرت عليها حالة من الحزن فليس هناك أحد يجيب تساؤلاتهآ بعد 
 ووجدت مجموعة سجلات تانية كبيرة الحجم ومُجلدة بورق مقوى وفى درج لوحدهم زى :- 
1 – سجل يومية المكتبة .
2 – سجل المترددين على المكتبة .
3 – سجل استعارات المدرسين .
4 – سجل إحصاء النشاط الشهري .
5 – سجل المطبوعات الدورية .


وزادت حيرة حنين ماذا أفعل بهم وكيف انظم العمل بهم ؟
وامسكت بكشكول الأسئلة الخاصة بالموجه كى ترتب له مجموعة أسئلة يجيبها عليهم حينما يزورها فى المرة القادمة وتذكرت رقمه المدون بالكشكول فكرت قليلاً وترددت كثيراً ثم توكلت على الله واتصلت به ..... بيرن ... بيرن ..... اقفل ولا ..لأ ...
وهمت بإنهاء المكالمة وسمعت صوت
:- السلام عليكم ورحمة الله وبركاته .

حنين :- وعليكم السلام ورحمة الله وبركاته . اسفة للإزعاج

الموجه:- لا ازعاج ولا حاجة ، إزيك أ/ حنين ؟

حنين :- الحمد لله بخير وتايهة شويتين :(

الموجه :- ههههههههه ليه بس علشان فى الاول تايهة فى ايه قولى

حنين :- حضرتك سجلات كتيرة انا مدرستش دا فى الجامعة ، تقريباً انا غلطت فى العنوان :(

الموجه :- لا غلطتى ولا حاجة يا استاذة .... شوفى عندك سجلات اسمها السجلات الأساسية موجودة من اول ما المكتبة اتعملت هتلاقيها مُجلدة دى بيتسجل فيها اللى بيدخل المكتبة ومقتنيات متنوعة وكمان المترددين على المكتبة من طلبة ومدرسين

وعندك سجلات فرعية ودى حوالى 23 سجل بيتغيروا تقريبا كل سنة وفى الثابت اللى بيتم التكملة عليه بملاحق 

حنين :- انا عندى 12 سجل مش مجلدين بتوع السنة اللى فاتت وحضرتك بتقول المفروض 23 سجل ولا انا سمعت غلط 

الموجة :- لا مسمعتيش غلط مش كل المكتبات بتعمل الــ 23 سجل فى كمان اللى بيكتفوا بعشرة او 11 ، متستعجليش على رزقك يا أستاذة .

حنين :- انا مش مستعجلة ، انا مصدومة حضرتك  

الموجه :- طيب عايزة تعرفى المكتبة ماشية ازاى وتفهمى لحد ما أجيلك تانى ؟


حنين :- ياريت حضرتك اعمل ايه ؟ 

الموجه :- عندك سجل اسمه الخطة والبرنامج الزمنى شفتيه ؟

حنين :- ايوة فعلا ، موجود اهو

الموجه :- خديه معاكى فى البيت واقرايه وافحصيه كويس هتلاقيه متقسم وفى كل الشغل اللى بيتعمل بالمكتبة فى الدراسة والصيف ، ويومين كدا هاكون فى مدرسة جمبك فاهفوت عليكى بإذن الله  . تمام كدا

حنين :- حاضر إن شاء الله

وأنهت المكالمة ويصرخ فى عقلها سؤال 23 سجل ازاااااااااااااااااااااااى !!

أمسكت بسجل الخطة والبرنامج الزمنى وأخدت كشكول الأسئلة ووضعتهم أمامها وإذا بالأستاذة تهانى تدخل عليها

أ/ تهانى :- ايه ياحنين حد مزعلك ولا إيه ؟

حنين :- لا ليه حضرتك بتقولى كدا !

أ/ تهانى :- يعنى امبارح فضلتى فى المكتبة وكان عزرك بتنفضيها ، النهاردة بقا عزرك ايه ؟

حنين :- لا عذر ولا حاجة دا شغل بحاول افهم الدنيا كانت ماشية ازاى هنا أصلى تايهة حبتين :( 


أ/ تهانى :- بالبركة كله بيعدى والموجه كويس ومحترم مش بيضرب تعالى اقعدى معانا ياستى الشغل مش هيطير

حنين :- لا معلشى هاخلص كدا واجى وراكى

أ/ تهانى :- قومى بس تعالى الجماعة بيقولى عليكى تنكة ومتكبرة عليهم تعالى بقا 

حنين :- حاضر بس هما بيقولوا كدا ليه بس 

أ/ تهانى :- علشانك واخدة جمب منهم ، انت لسة هتحكى تعالى يالا 

قامت حنين وسجل الخطة بيدها وكشكول الأسئلة وقامت معها ، وأغلقت المكتبة وجلست معهم ، وجدت عالم آخر مختلف عن أى ممكن أن تتواجد فيه ، عالم بعيد عن العمل والطموح والآمآل ، عالم تحكمه الكلمات والنميمة والقيل والقال ، عالم تغمره الأكلات وأفعال الجارة هنا وهناك ، عالم ليس عالمها فانشقت عنه بتفكيرها حول لماذا سيكون داخل سجل الخطة ، وأخذت تفكر كيف ستنظم عملها وتحقق طموحها من خلاله ! 

-*-*-*-*-*
الى لقاء آخر مع يومية أخرى الأسبوع القادم بأمر الله تعالى


Twitter Delicious Facebook Digg Stumbleupon Favorites More